БИЕ ДААСАН ЗӨВЛӨХ СОНГОН ШАЛГАРУУЛАХ ТУХАЙ 

Хөтөлбөрийн хаалтын төлөвлөгөө боловсруулах зөвлөх үйлчилгээ

Гэрээний дугаар: MCA-M/ICS/038

Улаанбаатар хот, Монгол Улс

2024 оны 05 дугаар сарын 02-ны өдөр

Монгол Улсын Засгийн газар (“Засгийн газар” гэх) болон АНУ-ын Мянганы сорилтын корпорац (“МСК” гэх) нь эдийн засгийн өсөлтийг дэмжих замаар ядуурлыг бууруулахад зориулж нийт 350 сая ам.долларын буцалтгүй тусламж олгох Мянганы сорилтын Компакт гэрээг 2018 оны 07 дугаар сарын 27-ны өдөр байгуулсан. Засгийн газар нь Монголын Мянганы сорилтын сан (“Монголын МСС” гэх)-аар дамжуулан Компакт гэрээний хөрөнгө оруулалтын тодорхой хэсгийг энэхүү бие даасан зөвлөхийн гэрээг санхүүжүүлэхэд зарцуулах юм. Монголын МСС-ийн зүгээс тус гэрээтэй холбоотой санхүүжилтийг зарцуулахдаа Компакт гэрээ, бусад холбогдох баримт бичигт заасан Компакт гэрээний санхүүжилтийг ашиглах, зарцуулахад тавигдах аливаа хязгаарлалт, шаардлагатай бүрэн нийцүүлэх болно. Засгийн газар болон Монголын МСС-аас бусад этгээд Компакт гэрээгээр олгосон эрхийг хэрэгжүүлэх эсвэл Компакт гэрээний хөрөнгө оруулалтын санхүүжилтээс зарцуулах эрхгүй. Компакт гэрээ, холбогдох бусад баримт бичигтэй МСК-ын цахим хуудас (www.mcc.gov), Монголын Мянганы сорилтын сангийн цахим хуудаснаас (https://mca-mongolia.gov.mn/) танилцах боломжтой. 

Компакт гэрээний хөрөнгө оруулалтаар Улаанбаатар хотын өсөн нэмэгдэж буй усны хэрэгцээг хангахад чиглэсэн Нийт ус хангамжийг нэмэгдүүлэх хөтөлбөрийг санхүүжүүлэх юм. Тус хөтөлбөрийн  хүрээнд харилцан уялдаа бүхий дараах гурван төсөл, үйл ажиллагааг хэрэгжүүлнэ. Үүнд:

• Газрын доорх усны баруун эх үүсвэрийг шинээр байгуулах үйл ажиллагаа буюу газрын доорх усны шинэ эх үүсвэрүүдийг холбогдох дэд бүтэц, усан сан болон Ус гүн цэвэршүүлэх үйлдвэрийн хамт байгуулах төсөл;
• Хаягдал усыг дахин боловсруулах үйл ажиллагаа буюу шинэ Төв цэвэрлэх байгууламжаас гарах хаягдал усыг дахин боловсруулах үйлдвэрийг холбогдох дэд бүтцийн хамт байгуулах төсөл;
• Усны салбарын тогтвортой байдлыг хангах үйл ажиллагаа буюу Улаанбаатар хотын ус хангамжийн урт хугацааны тогтвортой байдлыг хангахад чиглэгдсэн бодлого, хууль, эрх зүйн орчны шинэчлэлийг дэмжих, институцийн чадавхийг сайжруулах төсөл багтана.

Монголын МСС нь Бие даасан зөвлөхийн санал ирүүлэх баримт бичигт заасан шаардлагыг хангах мэргэжлийн ур чадвар, ажлын туршлага бүхий хувь хүмүүсийг Хөтөлбөрийн хаалтын төлөвлөгөө боловсруулах зөвлөх  үйлчилгээ үзүүлэх сонгон шалгаруулалтад оролцохыг урьж байна.

Бие даасан зөвлөх нь ур чадвар, ажлын туршлагын дараах шаардлагыг хангасан байна. Үүнд:

- Санхүү, эдийн засаг, нийгмийн ухаан, олон улсын хөгжил, эсвэл эрх зүйн чиглэлээр бакалаврын зэрэгтэй байх. (Магистр болон түүнээс дээш зэрэгтэй бол давуу тал болно).

- Захиргаа, үйл ажиллагаа, хууль, эрх зүй, худалдан авалт, санхүүгийн чиглэлээр 10 болон түүнээс дээш жил ажилласан туршлагатай, үүний 5-аас доошгүй жилд нь хөгжиж буй орнуудад ажиллаж байсан туршлагатай байх (АНУ-ын МСК эсвэл Мянганы сорилтын сан (МСС)-ийн төслүүд дээр ажиллаж байсан туршлагатай бол давуу тал болно) ба дараах ур чадварын шаардлагыг хангасан байна:

• Төслийн хаалт, гүйцэтгэлийн үнэлгээ болон бусад ижил төстэй баримт бичиг боловсруулж, чанарын үнэлгээ гаргаж ажилласан туршлагатай;
• Хөгжлийн төсөл, хөтөлбөрийн хэрэгжилтийн явцын шинжилгээ, логик хүрээний харилцан уялдаа, гарах үр дүнд цогц дүн шинжилгээ хийж байсан туршлагатай;
• Засгийн газрын болон олон улсын хандивлагч, хөгжлийн байгууллагууд, түүний төлөөлөлтэй хамтран ажиллах чадвартай;
• Олон улсын баг, хамт олонтой баг болон ажиллах чадвартай.

- МСК-ын санхүүжилттэй 2-оос доошгүй Компакт гэрээний хэрэгжилт дээр ажиллаж байсан бөгөөд сүүлийн 8 жилийн хугацаанд хэрэгжсэн МСК-ын 1 компакт гэрээ эсвэл босго хөтөлбөрийн хаалтын үед ажиллаж байсан туршлагатай байх (МСК-ын санхүүжилттэй хөтөлбөрийн хаалтын төлөвлөгөөг боловсруулж байсан туршлагатай бол давуу тал болно).

- Англи хэлний бичгийн болон ярианы өндөр чадвартай.

Бие даасан зөвлөхийн ажлын дэлгэрэнгүй тодорхойлолт, зөвлөхийн саналд хавсаргах шаардлагатай баримт бичгүүдийг Бие даасан зөвлөхийн санал ирүүлэх баримт бичигт тусгасан болно.

Бие даасан зөвлөхийг МСК-ын цахим хуудас (https://www.mcc.gov) дахь Худалдан авах ажиллагааны бодлого, удирдамж-д заасан Бие даасан зөвлөх сонгон шалгаруулах аргаар шалгаруулна.

Сонгон шалгаруулалтад оролцохыг сонирхож буй зөвлөх “Request for RFA for ICS for Program Closeout Services for MCA-Mongolia” гэсэн гарчигтай, бүтэн нэр, холбоо барих мэдээллийг тодорхой дурдсан цахим захидлыг PA-Mongolia@charleskendall.com хаягаар, хуулбарыг procurement@mca-mongolia.gov.mn хаягт илгээн бүртгүүлснээр Бие даасан зөвлөхийн санал ирүүлэх баримт бичгийг татаж авах цахим холбоосыг хүлээн авна.

Бие даасан зөвлөхийн санал ирүүлэх баримт бичигтэй холбоотой аливаа асуулт, тодруулгыг 2024 оны 05 дугаар сарын 09-ний өдрийн 17:00 цагаас өмнө PA-Mongolia@charleskendall.com цахим хаягаар, хуулбарыг procurement@mca-mongolia.gov.mn хаягт ирүүлнэ. Ирүүлсэн асуулт, тодруулгын хариултыг 2024 оны 05 дугаар сарын 13-ны өдрийн 17:00 цагаас өмнө сонгон шалгаруулалтад оролцох сонирхлоо илэрхийлсэн зөвлөхүүдэд хүргүүлнэ.

Зөвлөх нь өөрийн намтар, ур чадварын мэдээлэл бүхий саналыг Улаанбаатар хотын цагаар 2024 оны 05 дугаар сарын 20-ны өдрийн 17:00 цагаас өмнө Бие даасан зөвлөхийн санал ирүүлэх баримт бичиг (RFA)-т заасан цахим холбоосоор ирүүлнэ. Зөвлөхийн саналыг зөвхөн цахим хэлбэрээр хүлээж авах ба цахим шуудан/хэвлэмэл байдлаар ирүүлсэн саналыг хүлээн авахгүй. Хугацаа хоцорсон саналаас татгалзана.

МОНГОЛЫН МЯНГАНЫ СОРИЛТЫН САН